rokrassgat

Ég er komin með svo mikið ógeð af þessu endalausa skítaveðri sem er hér. Ætlaði áðan í sakleysi mín að labba í bankann og búðina. Fannst vera smá rok úti en ekkert svo svakalegt, svo ég dúðaði stelpuna í vagninn dúðaði sjálfa mig og lagði af stað. Var rétt komin út að horni á húsinu mínu þegar það kemur brjáluð vindhviða, vagninn fór næstum á hliðina og regnsláin og teppið fuku til fjandans. Ég skutlaði stelpunni inn í andyri og hljóp á eftir teppinu, sem endaði ofan í polli rennblautt og fauk ekki meir. Svo sá ég hvar regnsláinu fauk til á bílastæðinu endaði svo föst á bílhúddi svo ég náði henni líka. Stelpurófan skildi ekkert í þessari mömmu að fara með sig út í 2 mín og starði undrandi á mig þegar ég drattaðist inn með rennblautt teppi og slá. En ég efast ekki um að öllum þeim sem voru að horfa út um gluggann var stórskemmt við það að horfa á mig hlaupa um allar trissur að elta teppi og regnslá! En það er alltaf gaman að geta glatt aðra.